Maligayang Kaarawan Mahal kong Asawa

A poem dedicated to my husband who is celebrating his birthday today. Luv u bhe. mwah!

Ako ay bumabati ng “Maligayang Kaarawan!”

At nananalangin sa Diyos na may lalang
Na ikaw ay biyayaan ng mubuting kalusugan
At sapitin pa lalo ng mas maraming kaarawan.

Sana sa araw na ito ikaw ay maging maligaya

Sana rin ay makamit mo ang mga bagay na ninanasa

Kami’y mas masayang tunay kapag ikaw ay masaya

Pagkat sa aming lahat, ikaw ay mahalaga.

Ang tangi ko lang hiling sa Diyos sana’y dinggin

Wag sanang magbago ang pagtingin mo sa akin

Sana ang pag-ibig natin ay lalo pang pagtibayin

Ng mga karanasang magkasama nating haharapin.

Kapag dumating ang araw at pumuti na’ng ‘yong buhok

At ang mga balat mo ay lubusang mangulubot

Asahan mong sa ‘ting sumpaan, ako ay di lilimot

At hanggang sa huli’y mamahalin ka ng lubos.

Salamat aking mahal at dumating ka sa buhay ko

Salamat sa lahat ng mga nagawa mo

Maligayang kaarawan yan ang pagbati ko

Minamahal kita nang taos sa puso ko!